【瘋狂突破】陳榮峻56歲全裸做愛.回家《開心速遞》

0
1304

專業廢青金城安(周嘉洛飾)繼反轉律師律後,喺3月4日嘅《愛‧回家之開心速遞》又一新力作,事緣安仔女友Bonnie(林凱恩飾)爸爸譚道德(陳榮峻飾)為報答根叔(劉丹飾),誓要一改金城安「廢青」態度。譚道德要求安仔到其家中修練,並要佢抄寫《道德經》,但廢出天際嘅佢竟然將經文跌到一街都係。

 陳榮峻為安仔獻出好多第一次,連佢自己都話希望對手係靚女。

陳榮峻為安仔獻出好多第一次,連佢自己都話希望對手係靚女。

譚道德為咗「收經」搞到身水身汗,返屋企洗澡完畢,發現無拎毛巾同衣服,以為安仔同老婆都出咗去執《道德經》,於是赤裸裸咁行入睡房,誰不知,原來安仔喺客廳做直播,譚道德即時成為網民口中嘅「肉蟲」,結果一切有如譚道德所講:「怒令人失去理智」喪鬧安仔之餘,仲連「打靶仔」都出埋……

雖然只係一個小動作,但原來係陳榮峻自己諗出嚟。「導演睇完都知我想表達揜住良心,所以無話唔好。」

雖然只係一個小動作,但原來係陳榮峻自己諗出嚟。「導演睇完都知我想表達揜住良心,所以無話唔好。」

陳榮峻接受訪問時笑言為《愛‧回家之開心速遞》而有不少突破,當中包括全裸。「自己收到劇本時都覺得好笑,其實之前有集『道德訓練營』同埋『道德後遺症』,我要扮後生女,又要自拍又要內八腳,最後仲要咀埋安仔,螢幕初吻嚟架,比個靚女我就話啫。」陳榮峻透露廢青金城安將他所有潛能都激發出來,包括之後的rap。「求婚都無咁緊張同大壓力,拍咁多年戲未試過咁緊張,緊張到連導演都睇得出,因為自己連歌都唔係好識唱,但竟然學rap,好在老婆教我數拍子。」

陳榮峻為予令角色更立體,連髮型都自己set埋。

陳榮峻為予令角色更立體,連髮型都自己set埋。

陳榮峻透露譚道德雖然係固定角色,但由於戲份唔算多,所以令佢有更多時間去塑造,就好似昨晚一集,追打安仔時那個怒髮衝冠的造型也是他構思出嚟,之後對著家長解釋全裸係因為被移花接木時,手按著心口其實係想表示揜住良心,如此用心,陳榮峻只望觀眾鍾意。「自己都估唔到處境喜劇可以咁開心、咁多嘢玩,就算唔係主角都可以咁有發揮。」他更笑言如果之後加重戲份,繼續有突破的話應該隨時「死得」。

 陳榮峻係咁鬧周嘉洛做打靶仔,佢話唔怕教壞小朋友。「自己以前教小朋友都係用把口,不過就唔會咁鬧法。」

陳榮峻係咁鬧周嘉洛做打靶仔,佢話唔怕教壞小朋友。「自己以前教小朋友都係用把口,不過就唔會咁鬧法。」

留言

留下一個答复

Please enter your comment!
Please enter your name here